Прынагодна да Зімовага сонцавароту выйшла 4-я па ліку кніга ў кніжнай серыі “Бібліятэка “Свайксты”.   “Старапруская тэакратыя” – пра тое, што можна і па-валявому. Гэтае “зерне, кінутае ў ніву” яшчэ, трэба спадзявацца, узыдзе й закрасуе. З кнігі, апроч іншага, можна дазнацца: як звязаныя міфалагічныя прускія заснавальнікі Брутэн і Відэвут з нашымі купальскімі вобразамі ўдавы і яе сыноў? наколькі далёка сягала старапруская ўлада на тэрыторыю цяперашняй Беларусі? якія спецыялізацыі жрацоў (каля трыццаці!) былі ў старажытных прусаў і ў чым палягалі іх практыкі? як сярэднявечныя прусы рытуальна ахвяравалі свінню, а як – казу? як прусы дазнаваліся, што боства згаджаецца пасяліцца ў дрэве, якое яму прапанаванае з мэтай ушанавання? урэшце, што значыць назва старапрускага свяцілішча “Рамава” і як яна звязаная з касмалогіяй? Кніга стане вам яшчэ адной цаглінкай у належнае разуменне пра наш вялікі рэгіён, ад прусаў на захадзе і да голядзі на ўсходзе.